1990 оны арван нэгдүгээр сарын 20-ны өдөр Ховд аймгийн Эрдэнэбүрэн суманд төрж 2008 онд нийслэлийн Баянзүрх дүүргийн 53 дугаар сургууль төгсөж ҮБТДС-д элсэн суралцаж 2015 онд төгсчээ.
2010 оноос Хан-Уул дүүрэгт дасгалжуулагч Энхтөрийн удирдлага дор чөлөөт бөхөөр эхлэн хичээллэж 2011 оноос дасгалжуулагч Д.Батнямын шавь болж мөн оноос “Хөх чоно”, “Ганьт” клубүүдэд, 2013-2016 онуудад “Цастын барс” клубт, одоо “Хасу-Мегастарс” клубүүдэд бэлтгэл сургуулилтаа хийж байна. 2015 онд үндэсний шигшээ багийн тамирчин болжээ.
2013 онд спортын мастер, 2014 онд олон улсын хэмжээний мастер болсон.
Бүх ард түмний спортын наадмаас хүрэл, насанд хүрэгчдийн УАШТ-нээс хүрэл, 4 алтан медаль хүртсэн.
ДАШТ-нд 2015-2018 онуудад 4 удаа оролцсоноос 2018 онд Унгар улсын Будапешт хотод болсон ДАШТ-ний 59 кг-ын жинд нэгдүгээр тойрогт АНУ-ын Женна Буркертийг 1:1, хоёрдугаар тойрогт энэтхэгийн бөх Сарита Саритаг 10:0 онооны харьцаагаар ялж хагас шигшээ барилдаанд туркийн бөх Элиф Есилирмакт 0:10 онооны харьцаагаар хkжигдож хүрэл медалийн төлөө барилдаанд мексикийн бөх Алехандра Ромеро Бониллаг 4:2 онооны харьцаагаар өвдөг шороодуулжээ.
Дэлхийн цомын төлөө тэмцээнд 2015, 2018 онуудад 2 удаа оролцож багийн хошой хүрэл медаль хүртсэн.
Ази тивийн аварга шалгаруулах тэмцээнээс 2014 онд Казахстан улсын Астана хотод мөнгө, 2018 онд Киргиз улсын Бишкек хотод хүрэл медаль хүртжээ.
“Mongolia Open” тэмцээнээс онд 2012, 2016-2017 онуудад хүрэл, 2013, 2015 онуудад мөнгө, 2014 онд алт, ОХУ-ын Буриад улсын Ерөнхийлөгчийн Цомын төлөө тэмцээнээс 2013 онд хүрэл, ОХУ-ын Красноярск хотод болдог “Алтан Гран-При” тэмцээнээс 2015 онд алт, 2016 онд хүрэл, Польш улсад болдог “Poland Open” тэмцээнээс 2015 онд алт, 2016, 2017 онуудад хошой мөнгө, ОХУ-ын Чуваш улсын Новочебосарск хотод болдог нээлттэй “Кубок России по женской борьбе” тэмцээнээс 2015 онд хүрэл, Итали улсын Сассари хотод болдог уламжлалт “Мемориал Маттео Пелликоне” олон улсын тэмцээнээс 2016 онд алт, Б Беларусь улсад болдог А.Медведевийн нэрэмжит олон улсын тэмцээнээс 2018 онд алтан медаль хүртсэн.