Арьс, шээс, хүний амьсгалаас бэлтгэсэн лаборторын шинжилгээг үнэрлэн хорт хавдрыг илрүүлдэг энэ нохойг Дэизи гэдэг. Гөлөг байхаас нь бэлтгэсэн бөгөөд эдүгээ 10 жил энэ албанд зүтгэхдээ андуурсан буюу буруу таньсан алдаа огт гаргаагүй аж.
Эмнэлгийн оношлогоо болон хүнд үнэлж баршгүй тус хүргэсэн Дэизиг саяхан Цэнхэр загалмай одонгоор шагнасан байна. Энэ нь шинжлэх ухаан эрүүл мэндийн нээлт туршилтанд онцгой гавьяа байгуулсан амьтдад өгдөг шагнал ажээ. Түүгээр оношлуулсан хорт хавдрын эхэн ба дунд үеийн өвчлөлтэй 550 хүн эмчилгээнд хамрагдан эрүүлжсэн байна.
