Нийслэл хотын хэмжээнд шинэ жилийн баярыг тэмдэглэн өнгөрүүлэхтэй холбогдуулан “Шинэ жил-2018” нэгдсэн арга хэмжээний хүрээнд шинэ жилийн баяр, амралтын өдрүүдийг гэмт хэрэг, зөрчилгүй тэмдэглэн өнгөрүүлэх, гэмт хэрэг, зөрчлийг илрүүлэх таслан зогсоох урьдчилан сэргийлэх зорилгоор цагдаагийн байгууллагаас анхаарал хандуулан ажиллаж буй.

Энэ хүрээнд Сүхбаатар дүүргийн Цагдаагийн II хэлтсийн хамт олон гудамж талбай, олон нийтийн газарт хяналт тавих машинт болон явган эргүүлийг 24 цагаар тасралтгүй зохион байгуулж, алба хаагчдыг бүрэн бүрэлдхүүнээр уртгасан цагаар ажиллуулж байгаа аж.