Италийн Флоренц хотноо гадаадаас ирж суралцаж буй 21 настай оюутан өнгөрөгч амралтын өдөр бэлгийн хүчирхийлэлд өртсөн талаар “www.ansa.it” сайт уламжиллаа.

“Хохирогч Монгол Улсын иргэн” хэмээн Флоренц хотын Цагдаагийн газраас мэдэгдлээ. Гэмт этгээд хохирогчийн биед хүнд гэмтэл учруулж, цэцэрлэгт хүрээлэнгийн модонд хүчирхийлсэн гэнэ.

Цагдаагийнхан уг хэрэгтэй холбогдуулан Румын гаралтай, Арно Мустафа гэх орон гэргүй 25 настай эрэгтэйг баривчилсан аж. Түүнийг хэргийн газраас холгүй нэгэн барилгаас илрүүлжээ.

Тэрбээр өмнө нь гэмт хэрэг үйлдэж байсан ба хэргийн газар бичиг баримтгүй түрүүвчээ орхисон аж. Иргэд түүнд саад учруулах үеэр уг хэтэвч хэргийн газарт үлджээ.

Италийн Дотоод хэргийн сайд Маттео Салвини гэмт этгээдийг химийн аргаар хөнгөлдөг шийтгэлтэй болохыг уриаллаа.