УИХ –ЫН ГИШҮҮН Л.ОЮУН-ЭРДЭНЭ “ЭРГЭХ ХОЛБОО”-ТОЙ АЖИЛЛАХЫГ БАЙГУУЛЛАГЫН ДАРГА НАРТ АНХААРУУЛЛАА

УИХ –ын гишүүн Л.Оюун-Эрдэнэ “Эргэх холбоо-7” хөтөлбөрийн хүрээнд өнөөдөр аймгийн удирдлагууд болон Засаг даргын дэргэдэх хэрэгжүүлэгч агентлагийн дарга нартай уулзаж санал бодлыг нь сонслоо.

Энэ үеэр байгууллагын дарга нар салбартаа тулгамдаж буй асуудлын талаар танилцуулсан юм. Жишээлбэл Хэнтий ус ХХК-ийн дарга Г.Батгэрэл Бэрх хотын дулааны станцыг шинэчлэх, аймгийн хэмжээнд бохир соруулах ганцхан машин байдаг тул нэмэж авах шаардлагатай талаар, ЭМГ-аас сумдыг шүдний эмчээр хангах, ГБХЗХГ-аас унаач хүүхдийн аюулгүй байдлын талаар, ХХААГ-аас аймгийн хэмжээнд нэгдсэн зоорьтой болгож ногоочдыг дэмжих талаар, ИТХ-ийн төлөөлөлгч Ц.Дэмбэрэлсайхан Биндэр суманд хэрэгжиж буй шинэ сум төслийг анхааралдаа авах талаар, ОБГ-аас багт ажилладаг гамшигтай тэмцэх багийг тоног төхөөрөмжөөр хангах зэрэг хөрөнгө оруулалт шаардлагатай ажлуудад дэмжлэг туслалцаа хүслээ.

Гишүүний хувьд эдгээр ажлуудыг эрэмбэлж, албажуулж явуулахыг АЗДТГ-ын дарга Ж.Ганбаатарт хариуцуулсан бөгөөд асуудлыг шийдвэрлэх тал дээр анхаарч ажиллахаа мэдэгдлээ.

Түүнчлэн дарга нарыг сум, багийн иргэдтэй уулзаж, эргэх холбоотой байж, гишүүдийг мэдээллээр хангаж ажиллахыг анхаарууллаа.

Дашрамд сонирхуулахад энэ оны 5 болон 9 дүгээр сард АЗДТГ-аас 4 ажлын хэсэг гаргаж 8 төрлийн төрийн үйлчилгээг 88 багийн иргэдэд газар дээр нь хүргэхээр бэлтгэл ажлыг хангаж байгаа юм.

Уулзалтын дараа УИХ-ын гишүүн Л.Оюун-Эрдэнэ тойрохынхоо иргэд, сонгогчидтой уулзахаар Баянхутаг сумыг зорилоо.